Tarnen
Franz Geissler
Damid ma ins ois Grundweahrdiena nid sou fadisiear‘n,
hå(b)‘m ma miass’n nouch’n Ei(n)rucka vül ma(r)schiear‘n
und hå(b)‘m dabei, zan Stäark’n insara Lungan
ah daua(r)nd laut und foisch in Rainamarsch g’sungan.
Nia(r) oamui in da Woucha hå(b)‘m ma miass’n kreu’n duarch lauta Loass’n,
deïs houd daunn nouchha »G‘fechtsübung« g’hoaß’n.
Dou sein ma af Oimwiesan duarch deï Geïg’nd g’hia(r)scht
und hå(b)‘m ins aun an nid vua(r)haund‘nan Feind au(n)pia(r)scht.
Oamui ba sou oana Übung houd ma da Leitnaunt ausgeï(b)‘m an Beföhl:
„Jäga Geissler, seï robb’m dou iwari bis zan Woidraund, åwa schnöll!
Dua(r)t tarnan s‘ eahna wia deï Kuih af da Weid’n,
sou dass ma seï voun deï Viecha nid meah(r) kau(nn) untascheid’n
und vateidig’n deï rechti Flaunk’n mid eahnan G’weah(r),
waunn eïppa aus ‘n Ost’n kimmt a Feind dahea(r)!“
„Jawoll, Hea(rr) Leitnaunt, robb’m und tarnen wia-r-a Kuih!
Åwa oa(n) Frouch hån ih nau, näimlich wås ih måcha sui,
oda aundaschts g‘sågt, wia ma si benimmt,
waunn daunn eïppa gua(r) d‘ Seïnnarin zan Möcha kimmt?“
zu den Texten