Siaßi Uhula
Franz Geissler
Insa Pfoarra duit ge’n in Pfoaguadn geïh‘(n),
weul duart houd a zwoa Reiha Uhula-Weinat steïh‘(n),
deï a heïgt und pfleïgt ‘s gaunzi Joahr
und si af d‘ siaß‘n Weinbarln g’freid, is jå kloar.
Au(n)faung Hiarast woa(r) ‘s daunn sou weid,
zucha is keïmma d‘ laung ea(r)seïhnti Leïsezeid.
Åwa wia-r-a houd au(n)heï(b)‘m wöün, woar a schouckieat:
ålli Weinsteïck‘ woar‘n schou(n) toutal å:g’stieart!
Glei is eahm keïmma da Vadåcht:
deïs hån deï Nåchbag’friesa g’måcht!
Oa(n) Joahr späida is wieda d‘ Leïs‘zeid zucha kimma,
dou houd a si deïnkt: deïs måcht ‘s ma heia nimma
und a grouß’s Schüdl g’måcht,
deïs a auf’g’stöüd houd iwa d‘ Nåcht!
Mid groußi Buchståbm woar d’rauf zan leïs’n:
„Ih woaß, in vuarich’n Joahr seids eïs deïs g’weïs’n,
åwa ih woarn eich: da lieawi Goutt kriagt ållas mid!“
Und wås hå(b)‘m d‘ Buiwan d’runta g’schrie(b)‘m?
„Jå, eh, åwa ear varrout‘t ins nid!“
zu den Texten