Christine Steiner
Sie rengt schao wieda, tuist du ma sogn,
da Wind geht a nao – `s is zan vazogn.
Scheint owa jiadn Tog d`Sunn, is da dis ah nit recht.
Weui a jiads Wedda is dir zu schlecht.
Bist ständi nir granti und gehst locha in Kölla,
suichst owa ollweui ba d `Aondan – di Föhla.
Mi schaust goar oft vadattat aon
und frogst – wia ma nia ständi locha kaonn ?
Mei erschta Gedaunkn der is in da Friah:
Der Tog wird schein – so sog is mir.
So schain wia meglich werd i iahm mir g`stoitn
und leg dei Stirn mir niemois in Foitn.
Mir is gaonz wurscht, wia grod s`Wedda is,
fir mi scheint Sunn und dais is gwiss.
I hob sie nämli im Herzn drinn
und so is fir mi jiada Tog oa Gewinn.