Wouhngemeinschåft
Franz Geissler
Da Zusa Pauli is nouch da Matura nouch Wean ‘gaunga
und houd dua(r)t zan Studiea(r)n au(n)g’faunga.
D‘ ea(r)schte Zeid is a ålliweu hi(n)- und hea(r)g’foah(r)‘n, weu eahm d‘ Wouhnungan in da Stådt vü z‘ teia woa(r)‘n.
In a Studeïnt’nheim wuit a ah nid geïh(n),
dou woa(r)‘n eahm d‘ Zimma z’weïnich scheï(n).
Åwa boid is eahm deï Foahrarei schou(n) zwieda wua(r)‘n, weul a dabei vü z‘ vü Stund’n houd valua(r)‘n.
Oisou houd a si oamui Zeid g’numma a boa(r) Stund’n
und daunn wia(r)klich a Zimma in oana WG g’fund’n
in da Nahnd voun da Uni, goa(r) nid teia.
Dua(r)t is a ei(n)zoug’n mid oana mua(r)dsdrumm Feia.
Am Au(n)faung woa(r) fia(r) eahm ållas aufreïgend neich, åwa boid houd a si wuih‘ g’füh’d in sein‘ kloa(n) „Reich“.
G’haust hå(b)‘m s‘ in dera WG zu dritt: Da Doiba Hauns, d‘ Zvitša Judith und da Pauli in da Mitt‘.
Boid hå(b)‘m s‘ a richtichi Freindschåft g’schlouss’n
und deïs zwaungslouse Midanaunda echt genouss’n.
Waunn åwa oana aus oan Grund alloa(n) sei(n) houd wuin, houd a si nua(r) miass’n in sei(n) Zimma varruin,
weu dua(r)t woa(r) a sou guad wia isoliea(r)t –
und deïs hå(b)‘m ålli akzeptiea(r)t.Dua(r)t houd d‘ Judith ah eïftas iahre Hawara eïmpfaunga!
D‘ Wäind woa(r)‘n zwoa(r) recht dünn, åwa si is gaunga.
‘S oa(n)zich blede woa(r) nua(r): dahoam houd da Pauli d‘ Veïg’ln zwitscha(r)n g’hea(r)d,
ba deï dinnan Wäind in dera Wouhnung
woa(r) ‘s daunn åwa gråd umgekeah(r)d!
zu den Texten