da berghoufa
Feri Kopp
houd nia fü greidt, houd nia fü gsogt,
houd ollas gwisst, waounst nan houst gfrogt.
houd ouft eanst gschaut, houd nid ouft glocht,
houd sötn gsogt: „deis hom S guid gmocht.“
ois jungleahra woa i ma g wiss,
dass, wos i moch, a richtig is
und dass i eh schou ollas woaß,
a woun i nid berghoufa hoaß.
oamoi hob i mi z frogn traut,
warum a ouft sou zwida schaut,
ob ea in kölla lochn geht.
dou houda glocht: „sou schlimm is ned.“
und houd ma gsogt, gounz im geheim,
waun a sou schaut, suicht ea an reim.
woun a sou schaut, waa eh ois guit,
deis zoagt nua, dass a dichtn tuit.
„van see zan roobtol“ houd a gschriebm,
Und d „hoadbliah“ – is bescheidn bliebm.
houd nia vü greid, houd nia vü gsogt,
houd ollas gwisst, waounst nan houst gfrogt.
a schuimoasta van oidn schlog.
und woa s mit mia a ouft a plog,
ea houd mi geen ghobt iagendwia,
wuit, dass i nia in blick valia
fia ois, wos wirkli wichtig is
und dass i a nianid vagiss,
zu oim, wos i a moch im leibm,
mei gaounzi kroft dahinta z geibm.
fia hoiwi sochn woa ea ned,
houd ma ouft zoagt, wia ea wos tät.
di guidn tipps fia s schpeidri leibm
dei houd ma da berghoufa geibm.
in müllidorf liegt ea begrobn,
und mounchmoi tät i eam geen sogn:
„i tui hiazt a gedichte mochn.“
woascheinlich tat a gaounz laud lochn.
da berghoufa: OSR Prof.Josef Berghofer; langjähriger Direktor an der VS Müllendorf und
burgenländischer Mundartdichter
zu den Texten