Heinz Grünauer
Mei Resal hot a Rosal,
dei hom si hoit so gean,
sie wischn, woschn, bohnern
und tan deis fuachboa gean!
Mei Resal hot a Rosal,
sie lossn si net stean,
valierat sie a Rosal
daunn kriagat i zan hean:
„Mei Spleei is a Mimoserl
geing dei, deist du nou host,
waunn dia ans vabliahrat
treim neie Rosen noch!“
Bumm, deis is jetzt gsessn,
ein Schlag in mein Gesicht!
„Na woat i wead da höfn“
und geh mit iah ins Gricht:
„Wia gehts da denn mei Resal,
mit dem Zwaungsneurosal, ha?
Weing dia wead I mi eagan,
owa auzipfn tuast mi scha!”
„Auzipfn tuats mi,
mit ollm drum und drau,
geh weida, i faung ma
mit mein Resal nix meah au!“
Traut si wos zan song,
na souwos meina Sö,
eh scha am Blafoo,
dera moch i an Bahö, …
Mei Resal hot a Rosal
dei hom si fü zan song,
as Resal mit iahn Rosal,
a Neurosal zum datrong!